إقتباس لمشاركة: @Juve_Lover 17:05 - 2025/03/22

اخي
باشا موش ناوي
يطور ويحسن من روحو
معمل على طول ودتونت متاعو اكهو
راهو ساعد
يا عندو بازوكة في ساعدو يطلع ويحط
يا عندو بونيا تخبي الكورة على عينن الحارس ما يقراش الديركسيون
السيد ملي جانا
هذاكا المعجون هكذا المقرص
ما حبش يطور
هو والنملي
وروانا وجه السوق وبعد...

أنا فهمتكم من غير ما نشاهد المباراة

هذه الفنيات والتنويع شغّل الستاف الفني يستغله مع الي اكثر موهبة والسواعد باش بلباو بديل لنقاط قوتهم

ايضا من الافضل لعب الهجمات المعاكسة السريعة هذه تباغت وترهق المنافس في نفس الوقت الهجمة مختصرة نسبة نجاحها اكبر لانه تجتاز خطوط الدفاع وتخلًيك ضد لاعب او لاعبين او مع الحارس مباشرة

إقتباس لمشاركة: @Juve_Lover 17:14 - 2025/03/22

لا طرابلسي
الكورنتر
خدمة المدرب
يمكن الجورات في غياب بوغانمي
يفضلوا يلعبوا الهجمة المركزة
اما المدرب يلزم يلعب على ربح النقاط بأقل مجهود
وفي اوقات قوتك...
بالنسبة لحازم باشا
خدمة قوة الساعد والبونيا
يا موهبة من عند ربي
يا بالخدمة
دونك كيف ربي
عطاك موهبة البطولة والدتونت
تخدم على تحسين قوة ودقة تصويباتك

متفق معك يعني الخدمة على الدقًة وتغيير اركان التصويب للمفاجئة

وخسارة ما عندوش جناح آخر ويقدر ديما يلعب على اثنين ثلاث لاعبين بنفس المواصفات متاع بولانسكي

إقتباس لمشاركة: @مروسكي صاحب السيارة 17:19 - 2025/03/22

https://www.youtube.com/live/9MOrCjjtj58?si=AHDW_KidQZjcomAj

إقتباس لمشاركة: @partimelover 17:19 - 2025/03/22

سئلت على القناة الي تبث المباراة لم أتلقى جواب

انجدوني ايها القوم

لازم نشكرك ولد بلادي الباهي

سمير معز عادل بسكولة المروسكي

شكرا جزيلا لكم عمل يذكر فيشكر

إقتباس لمشاركة: @مصطفى العامري 17:40 - 2025/03/22

جماهير جمال هي نفسها

جماهير سوسة العروسة

إقتباس لمشاركة: @مصطفى العامري 17:44 - 2025/03/22

الليلة على الساعة العاشرة

اما نقل المباراة مازلت ما نعرش

ربما المدرب يرفض نقلها كما رفض حضور الجماهير

و انا اتفهم هذا الاجراء من المدرب اولا لانها مباراته الاولى

ثانيا حتى يبقى ترجي الكنزاري لغز غير مفهوم لكاردوزو

إقتباس لمشاركة: @partimelover 17:40:08 - 2025/03/22

هل عندكم فكرة على المباراة الاولى الوديًة للترجي ضد المرسى ؟

يعطيك الصحة

إقتباس لمشاركة: @partimelover 17:52 - 2025/03/22

إقتباس لمشاركة: @مصطفى العامري 17:44 - 2025/03/22

الليلة على الساعة العاشرة

اما نقل المباراة مازلت ما نعرش

ربما المدرب يرفض نقلها كما رفض حضور الجماهير

و انا اتفهم هذا الاجراء من المدرب اولا لانها مباراته الاولى

ثانيا حتى يبقى ترجي الكنزاري لغز غير مفهوم لكاردوزو

إقتباس لمشاركة: @partimelover 17:40:08 - 2025/03/22

هل عندكم فكرة على المباراة الاولى الوديًة للترجي ضد المرسى ؟

يعطيك الصحة

نحن مباراتنا خلال النهار ضد صنداونز إذا لماذا برمجت ليلا ؟ واظن موضوع الصيام واذا كان هو السبب طبعا معقول ومطلوب ومقبول

كل هذا سيكون لمكان ومرتبة ثانية لمشاركة في الايطار

إقتباس لمشاركة: @مصطفى العامري 19:58 - 2025/03/22

ينجمش زبير بية يقوللنا

شكون قالو على وضعية عقد بنقورا ؟

على خاطر عقود اللاعبين ليست مرمية على قارعة الطريق ،

اذا حتى زبير متواظئ في الفساد مع سماسرة الجامعة برئاسة حوصين

ملاحظة ممتازة كابتن مصطفى يعني مدً دليل ادانته من تلقاء نفسه

من اين له معطيات على ملف بنقورة او غير إلا بما يمثًل ملف خاص للاعبين في فريق سوسة

إذا هناك تسريب ومعاملات في صلب الرابطة الجامعة

يارب العالمين ورحم الله موتى المسلمين

السلام ورحمة الله وبركاته

إقتباس لمشاركة: @Juve_Lover 01:55 - 2025/03/23

اهلا طرابلسي
منور صاحبي
بالفنارات الجدد
.

الله ينوًر لياليك و يسعد ايامك

فنارات؟ صدًقني ما فهمتك ؟

إقتباس لمشاركة: @فوزي بلها 5 02:03 - 2025/03/23

إقتباس لمشاركة:	@partimelover	01:55:11 - 2025/03/23
السلام ورحمة الله وبركاته

وعليك السلام ورحمة الله وبركاته خويا الطرابلسي.

اشو حولك ههه يا فوزي

شوي واجبات تعطًلت شوي

إقتباس لمشاركة: @Juve_Lover 02:21 - 2025/03/23

فنارات الكرهبة
مشعل الضوء في الكتيبة الي استعملتها
خويا طرابلسي
.

لم انتبه والظاهر كتابتي تدبغ وتصبغ مرات بلون الي نرد عليه في مداخلته والله اعلم

إقتباس لمشاركة: @Juve_Lover 02:38 - 2025/03/23

الحاجة الوحيدة الي مصبرتني
وعاطيتلي
امل في مواجهة صاندوانز
انك عندك أجانب
قادرين يقلبولك وجه الفريق
اما عالأقل التوانسة الي معاهم
يكون حتى جوست جوست
موش لازم يصنعوا الفارق

فعلا أنا معك وخاصة أجانب أفريقيا جنوب الصحراء هه

طبعا لو بلبول في قمة مستواه ويعطي كراك كافيار كما مع دزاير توقاي مهم جدا التوانسة طامع شوي في الجبالي الحق

العايب مازال موجود

باهي يارب يبدا زادة يغربل ويسلم قائمة متاع لاعبين لسامح باش يبدا يشلبق ويرتًحهم منا

بوزيًان باهي يلعب ان شاء الله يقتنع به هجوميا هايل ودفاعيا يغطًي عليه احد لاعبي الارتكاز

عزوني درباني السميري ربي يسهًل البقية ممكن تزيد تعطيهم فرصة

الحمروني يعجبني وقت صعب جاء فيه كادة يمشي إعارة يكساح

إقتباس لمشاركة: @Juve_Lover 03:00 - 2025/03/23

لعبت 10 7 8
ولعبت في الترجي
ونجحت بتاست
موش بابا دخلني
اما الكورة خيارات
وانا في وقت ما اخترت القراية...
الله لا تربحك يا فوزي الصغير
ما حبش يسيبلي وراقية من بن عروس
قانون يلزمك عامين ما تمارسش الكورة..
وإلا راكم
تحكيو عليا
موش معايا
.

الله يبارك يعني لاعب سابق بالحبيبة الترجي ماشاء الله

والمراكز الي لعبت فيهم متاع البتاباتة في الكرة

احتراماتي خوي

من غير وساطات يعني المعلًم يتعدًى يلعب

احسن اختيار الدراسة اضمن وفي المرة ظلم في تونس ما كيفه ظلم

لماذا ما نملك لاعبين بصفات حسان هجوميين

الجواب طريقة لعب مدرًبين تونس يجعلك تدافع وتتعلًم تفك الكرة يعني ملي كنت هجومي اصبحت مدافع في الوسط ونجحت واستدعيت للفريق الوطني جيل عادل السليم فوزي صبري بوهالي واخرون

يعني المرض بدأ من زمان اكثر من ثلاثين عام

لهذا ما نملك عشرة ثمانية معانية

بن رمضان نصف نصف لاهو لاهو

فكر دفاعي شوي فرنسي عاطي على الطليان

إقتباس لمشاركة: @Juve_Lover 03:14 - 2025/03/23

عيشو طرابلسي
فمة واحد
على الاقل
حاسس بقداسة اللحظة
.

بالله تو الي تقوله أنا معك نبصم بالعشرة ههه

إقتباس لمشاركة: @Juve_Lover 03:10 - 2025/03/23

إقتباس لمشاركة:	@est 2018	03:04 - 2025/03/23
يا شوقي هاك تشوف التاست فالترجي كيفاه، موسى ماريغا طردوه و جون دافيد بوقال قالولو كور مريقل..

الي عملي التاست

توفيق الأطرش خو عادل الأطرش

والتاست 91/92

الي يحبوا يلعبوا في الترجي ضد القدم

معناها فمة مصداقية

وما نحبش نقلكم

انو انا مركيت بونتو 1/0

وكو دي سيزو ...

وقعدت في الترجي اشهرة نتارنا واكهو

خاطر فوزي كان شاااد بن عروس

رغم انو الرءيس الرسمي اسمو ميدة...

حبني نمشي للكلوب

بابا قالي برا امشي اقرى على روحك خير وليدي

😂😂🤣😂

العام هذك رجعت أنا من اقلترا اطن وتاهبت نرجع للامال مع حكيم نويرة جاني الدار وقترح علي نمشوا ليلاتاك وقتها أنا هو تاست رفضت لاني اعتبر نفسي ولد جمعية ما نعملش تاست

وفضًلت نبقى عاطل ونرجع لاوربا وهو مشى قبلوه بتشجيع مني بدأ مسيرته توفًق

إقتباس لمشاركة: @Juve_Lover 03:28 - 2025/03/23

الله غالب عزيز
زهورات الكورة
وكل واحد مغرفتوا شتهز

يا معلًم تحكيلي؟ ههه

لعبت مع دمادم كنت لو ماسافرت نبدا في فريق الامال مع عيادي الي عرفته عن طريق فوزي رويسي في ليسي سبورتيف وقالي طرابلسي خوي هذا لاعب نابغة ومن بعد قابلته في حي الملاحة ونعرف قصته مسكين

الناس ما تعرفش الي مشى للأفريقي نهار ومن بعد هربوا الجماعة برك عليه سليم وجماعته

إقتباس لمشاركة: @Juve_Lover 03:36 - 2025/03/23

درجين في بن عروس
ودقيقتين في الترجي
من فضلك
.

😂 ههههه لا يا رجل تأست في الترجي لعب مع الفريق تدرًب يعني معلًم والله نعرف اش نحكي

عندنا احسن لاعبين تونس المشكل ما ياخذوا فرصة مع الفريق الاول ونقدوا نظام بلجيكا وإسبانيا هولاندا الي الفرق الكبيرة عندها فريق ثاني يشارك في القسم الثاني وهكذا الشبان عندهم فرصه يبرزوا

وصلنا قراب برشى ونسمع في التريب كفر تربريب بن ناجي شكري وتخوبيث معلول زاد طارق يا معلًم وين باش تلعب هههه

إقتباس لمشاركة: @مروسكي صاحب السيارة 03:42 - 2025/03/23

والله يا اخوتي

نتذكًروا كما تو

صدقوني دمعتي صعبة لكن قلبي يبكي عليه

كنت واقف في التماس ومن بعد تخبًيت وقعدت نتفرًج وانا المفروض التقط الكراة فئ مباراة دزاير تونس

منًاد يغدر بن يحي الشرقي ويمركي في لمح البصر وقتها مادجر أنا مخي بدني جمد والجمهور يسب في اهلي سلاطة خاطر ما نجيب في الكرة معوًل على اصحابي خاطر أنا وحلت مع النجوم هذكم شيء يدوًخ وبقيت نحلم باش نلعب كيفهم

إقتباس لمشاركة: @مروسكي صاحب السيارة 03:52 - 2025/03/23

أني مأمن بقدراتك يا برج

المشكل في عزيز

أنتم جماعة الوطن القبلي في بعضكم، آش مدخلني!

ولا رانا تو حايرين بين طارق و السويح و الكنزاري و البرج، شكون نحطو في التشكيلة التارخية للترجي

إخس عليك يا فوزي يا صغير

هههه المفروض دخل للبارك واختير على ذمة لاعبين فرق الشباب الترجًي له كل التقدير و يتسمى لاعب سابق

وكان حبًا الكرة اش درانا يعمل اسم

نعرف لاعبين جهابذة تحطًموا اساله على رياض الصغير خو فوزي الصغير قداش ملاعبي مشى فيها وغيره وغيره

تونس تضيًع علماء خلى مواهب كرة

إقتباس لمشاركة: @Juve_Lover 03:54 - 2025/03/23

ههههه
عزيز يفهم كان في الهوند
شدخلوا في الفوت
مروسكي
المهم انت
مؤمن بيا 😍

وان مؤمن بك خوي

الدرًاجي عقله تافه لكن موهبة كبيرة

يا جماعة ولاد حومتي برج البكوش برج الوزير اريانة

سامي النصري موهبة تفتًق كنا نلعب مع بعض صغار هو اكبر مني حاجة من وراء العقل

طارق ممًيش حارس مرمى لعب معي في اريانة في الصغر وعلاقتي به باهية عندنا حومة تفتًق حكيم نويرة طرابلسي خوي محمد نصري سفيان الحيدوسي فيصل بن احمد وواخرون الي نشدًوهم ندوًخوهم

إقتباس لمشاركة: @Juve_Lover 04:14 - 2025/03/23

تي هاك واصل
طارق
بالحق
طلعت نكرة قدامك
😥

نظن تقصد في أنا مش عارف نجاوب والا لا

لا واصل والوا يارجل احسن قرار سافرت قرات على روحي كوًنت روحي لكن مسيرة انتحرت في عز شبابها وبقيت العلاقات والحمد لله جيل زمان اصحاب عشرة وحتى نسيت باش نقولكم على العلوي الي لعب معي وكان في صنف ب وضعيف سافرت ورجعت لتونس زيارة سمعت به التحق ب حمام الانف أخذته الافريقي ولعب ضد الترجي وسجًل وانا حاضر ضربة جزاء والله ما فهمت شيء وفرح ووو وهو مكشًخ ويسكن في حي الخضراء يتيم مسكين نظن وكرة عجيبة اقل موهبة وصل والزمالك تبخًروا

أنا استسمحكم

ألقاكم على خير ومودًة

وربًي يحفظكم يا اخوتي

اقترح عليكم اغنية نضالية جهادية من الحان عبد الوهًاب غنًتها ام كلثوم واحسن نسخة ذكرى محمًد

اصبح عندي الان بنقديًة

الي فلسطين خذوني معكم …

….

😞😞

إقتباس لمشاركة: @مروسكي صاحب السيارة 04:31 - 2025/03/23

ملخص الحديث، الطرابلسي عداه شوقي

حروفو داخلة بعضها و بفكاك شفرة شوف تفهمو شوف لا

ههههه 😂😂

والله صدقت هههه اصبح يضرب بي المثل أنا سابقة خاطئه مسكين أنا عندي أخيب كتابة

حابس هههه فاشل هههههه

يا فاشل هههه

إقتباس لمشاركة: @Juve_Lover 04:37 - 2025/03/23

ليلتك زينة
طرابلسي
.