السلام عليكم
بالإجتماع اللي انعقد مساء امس عشان
التنسيق الخاص بمباراة الوحدات و الحسين
ظمن مباريات الاسبوع الاخير من دوري
المناصير الاردني للمحترفين 2016/2017
والمقرر يوم بعد غد الجمعة الساعة 3 العصر
على ملعب الحسن بمدينة اربد وبناءاً على
كتاب نادي الحسين اللي يتعلق بسعة الملعب
سيتم تخصيص 75% من المدرجات
لجماهير الوحدات ،
انا اقول ويشهد الله اني توقعت هذا الشي
من ادارة نادي اقل وصف الهم انهم ملوك
بأخلاق جماهيرهم وملوك بأخلاق لاعبينهم
وملوك بإدارتهم الديمقراطية ، ترى ما
عندهم رئيس يلزق بالكرسي وبعد يحلف
100 طلاق ما يتركه
توقعت انو ينطونا صدر البيت وكل الملعب
ويقبلوا هم بالقليل
انا شخصياً كأبو جروح ارفض كل اللي
اجا بالإجتماع لأنو بدنا نقعد جنب بعض
وبدنا أحلى الألوان الأخضر والأصفر يدخلوا
ببعض ، عشان يشكلوا احلى لوحة فنية يحتار
البيكاسو لو عايش شلون يرسمها وكل مرة
يحاول يرسمها يمزع لوحته ويعيد رسمها
مرة ثانية ،
لانو بكل مرة ما ينطي الصورة حقها
انا شخصياً رايح احتار واتوه بالمدرجات
وانا ابحث عن ابو حسن صديقي العزيز بين
جماهير الحسين ، راح اتوه وانا ادور عن
الحتاتمة وعن سامر ميلانو وعن ابو
اسامة النمراوي ، رح اتوه وانا ادور عن
الربابعة وهاترك فيدران والعناقرة لأنه
هذول الشباب من أكابر المنتدى
فبالله كيف بدك تدور عن شباب المنتدى
الأكابر بين جمهور ملكي كله أكابر ،
اعتقد المسألة مستحيلة
بدناش نفكر بالمباراة
(والله حرام نسميها مباراة)
لأنها ملحمة كروية
، بدناش نفكر بالنتيجة بدنا نروح على
الإستاد لحتى نستمتع بالأداء اما النتيجة
مش خلاف بينا وبين حبايب قلبنا ،
عندنا عندهم كله واحد
مع تحيات ابو جروح شخصياً
