قوا الرجال
بالفترة الأخيرة كان الثلاثي السوري المكون
من محمد وائل الرفاعي وفهد يوسف وهداف
الجزيرة ودوري المحترفين مارديك ماردكيان
كانوا مثل ما تقولوا العلامة اللي افرقت مع
الجزيرة
هذا الكلام مو كلام ابو جروح وإنما كلام كل
وسائل الإعلام ومواقع التواصل الإجتماعي
ومنها كورة اردنية ،
ومعظمنا كان يقول ، طيب لو لا سمح الله
انصاب فهد اليوسف .. شو يصير بالجزيرة
طيب لا قدر الله وانصاب مارديكيان وين يلقي
الجزيرة
بس الشهادة لله وربنا رح يحاسبنا عليها انه
فارس الجزيرة وقوته الخفية مش بالثلاثي
مع اني ترا ما انكر جهدهم وعطائهم وتفانيهم
للبلوزة الحمرا ، بس اشوف انو المميز والجندي
المجهول للجزيرة وسبب تفوقه مؤخراً هو لاعب
بمواصفات اوروبية على امريكية جنوبية وهو
الفنان محمد طنوس
محمد طنوس ظلمته الميديا على حساب
الثلاثي السوري المرعب
محمد طنوس هو الساحر اللي يمر من جنبك
وما تشعر بظله ،، هو الموسيقى الهادية اللي
تخليك تستمتع وتجبرك على رفض الدوشة من
حولك ..
محمد طنوس الثعلب اللي يخليك تحس انه
رايح بس عمليا هو جاي ، يحسسك انه يركض
بس هو واقف وما تحرك من مكانه
هو الجلاد اللي يخلي الحراس يختبروا
نظرهم عند محلات الأُوبتيكوس لانهم صدقا
ما قدروا يتابعوا الكرة بعيونهم الا بعد ما
زغردت بالشبكة
محمد طنوس يجيب المدافعين يمين وشمال
وياخذهم ويوديهم ويرقصهم ويلاعبهم وبلحظة
يقلهم game over
يا عم المسفر لا تغرك الأسماء ولا الأندية
في لاعبين محسوبين عالمنتخب كمالة عدد
بأنديتهم والله ما شكلوا اي إضافة بالعكس
عبارة عن حمولات زائدة
وفرصة نبني منتخب من شباب على شاكلة
محمد طنوس
كل التحية و الأحترام والتقدير لهذا النجم
وكوحداتي اتمنى عودة محمد طنوس لبيته
الأولاني
اخوكم
Abu jrouh personally
