عوافي عليكم
يقلك بعالم كرة القدم انو اللاعب الأخطر هو
اللاعب اللي يكون جاي من الوسط مندفع من
الخلف من وسط الملعب بإتجاه منطقة الجزاء
هذا اللاعب يكون متحرر من ضغوطات منطقة
الجزاء وما بيها من مشاكل مثل الرقابة اللصيقة
من المدافعين ،، والدفاشة والخشونة
وضغوطات حكم الراية والافسايد
لكن اللاعب اللي يكون مندفع بكون اقل من
غيره توتر والضغوطات اللي ذكرناها تكون عليه
اقل بكثير ..
بالتالي الرجال بمز على اي طابة راجعة من
الحارس او المدافعين ،، فيا بسلخها ولا هي
بحلق المرمى او بنقرها ولا هي لمهاجم بوضع
انفراد
والسبب بالتأكيد انه بركض بالطول مش بالعرض
وهون يكون كاشف الملعب
كمثال على سبيل الذكر فقط وليس الحصر
حسن عبد الفتاح من الوحدات ، محمد طنوس
من الجزيرة ، احمد ابو كبير من الحسين
احمد سمير من الرمثا
الحسين اربد شبهته لهذا اللاعب
وكنت ذكرت سابقاً بموضوع خاص وبأكثر
من مشاركة انه الحسين رح يلعب بفرق
المقدمة ان مش كلها فمعظمها
وقلت رح يحدد بطل الدوري بشكل
كبير ،، وطبعا ما ننسى دور الفرق اللي صارت
تخرمش وباتت زي الغريق اللي ما يخشى انه
يتبلل
الحسين تحرر من ضغوطات الادارة على
اللاعبين ومن ضغوطات الجماهير ، وبات
يلعب كرة قدم ممتعة ومرعبة بنفس الوقت
.. لانو فوزه عالاهلي كان مرعب بالأداء
والنتيجة ..
وخاصة الاهلي غلب الفيصلي وتعادل مع
الوحدات
الحسين اله مواجتين مع الوحدات والفيصلي
وكأبو جروح شخصياً ، اعتقد رح يهدي الدوري
اما للجزيرة واما للوحدات او الفيصلي
اخوكم
ابو جروح شخصياً
