عوافي ..
قمة من نوع مختلف رح يكون فرسانها
الشياطين مع الغزلان
خلونا ننصب كفتين ميزان ونحاول انه نضع
خطوط الفريقين وحظوظهم بالميزان ونشوف
مع بعض مين اللي كفت ميزانه ممكن تكون
طابشة شوي
اولا : حظوظ التأهل
الجزيرة يلعب على اكثر من خيار
(1) الفوز باي نتيجة
(2) التعادل باي نتيجة
(3) الخسارة بفارق هدف
بشرط ما تكون0/1
الرمثا يلعب بخيار وحيد وهو الفوز بفارق
هدفين او اكثر
فوز الرمثا 0/1 يعود الفريقان لنقطة الصفر
تمديد + ضربات جزاء
ثانيا : خطوط الفريقين
(1) حراسة المرمى
الجزيرة حارسه احمد عبد الستار شخصية
هادئة لاعب منتخب اخطاؤه قليلة
الرمثا عبد الله الزعبي شخصية مرتبكة
كثير الاخطاء وسريع الانفعال
(2) خط الدفاع
الجزيرة مهند خيرالله ،عمر مناصرة،يزن
العرب وفراس شلباية
خط متوازن يجيد الإلتحام متكامل القوة
تزداد قوته بعودة فراس شلباية من البداية .
الرمثا عمار ابو عليقة،ماركو،علي خويلة
احسان والسلمان
ايضا خط متوازن مع تحفظ جماهير الرمثا
على سليمان السلمان قصير القامة وكثير
الأخطاء وعلي خويلة قليل الإلتحام
(3) خط الوسط
وهو الخط الأهم
يبرز في الجزيرة محمد طنوس المتوقع
مشاركته من بداية اللقاء كلاعب ارتكاز
قوة بدنية وتسديدات صاروخية وهو لاعب
منتخب
امامة سيلعب ثلاثي لا يرحم عامر ابو هضيب
وعصام مبيضين وفهد اليوسف وجميعهم
يجيدون التهديف واللعب بالمساحات الضيقة
بالمقابل يظهر لاعب المنتخب احمد سمير
كواحد من اذكى لاعبي الإرتكاز محليا يجيد
التهديف وهو لاعب منتخب
يلعب امامه موسى الزعبي وسي الشيخ والشاب
الواعد صهيب ذيابات (سعيد مرجان)
يمكن هذا الخط بميل لادوار دفاعية بدون
داعي ويدور الكرة زيادة عن اللزوم
(4) خط الهجوم
الجزيرة بدون كلام هداف الدوري مارديكيان
قدام محمد الرفاعي ثنائي متفاهم جدا
ويقدر مارديكيان يسجل باليمين والشمال
والراس ومن انصاف الفرص
الرمثا بظهر الواعد خالد الردور قدام وجفرسون
واحتمال اشتراك حمزة وارد بظل التحسن اللي
طرأ على اصابته ، ممكن خبرة خالد الدردور
ما تسعفة بالرغم من موهبته والسبب انو
مدربين الرمثا ما اعطوه فرصة كافية
ثالثا : الغيابات المتوقعة والتبديلات
الجزيرة مؤكد غياب زيد جابر للطرد
في مباراة الذهاب ، ممكن الشوط الثاني
نشوف ورقة الجوهري
الرمثا احتمال كبير يغيب حمزة الدردور
ومش اكيد يشارك سعيد مرجان وتبقى ورقة
الواعد الخب خيار للشوط الثاني
رابعا : الحضور الجماهيري
الملعب تم تقسيمة بحيث يكون للجزيرة
25% من سعة المدرجات بينما للرمثا
75% من كامل الملعب
خامسا : المحفزات
الرمثا راصد ربع مليون دينار كمكافأة
من عضو مجلس الأدارة رائد النادر في
حال فاز الرمثا بالبطولة
بينما الجزيرة راصد مكافآت لهاي المباراة
مقدارها 500 دولار لكل لاعب وهون بدهاش
مقارنة لان الميزان طابش طبش لصالح
الرمثا
بتمنى من اخواني المشاركين انهم ينبهونا
لنقاط ثانية ممكن تنحط بالميزان
أرجو قبول تحيات
اخوكم
ابو جروح شخصيا
