تذكير صغير

المقابلة الأولى سيناريوها مازال ماثل في الاذهان: خطأ في احتساب التوقيت الاصلي للمقابلة مرتين نتج عنه انهاء المقابلة قبل إنقضاء وقتها القانوني من ثم دعوة المنتخبين للعب توقيت/شوط تكميلي & بعد رفض المنتخب التونسي تم إعتبارالمنتخب التونسي منسحبا و تعرض لعقوبة رياضية : احتساب تونس منسحبة و توجيه نقاط المقابلة لمالي.

 

قانونيا صارت ترضية في الوسط : لوجيك الكاف يقضي بتطبيق عقوبة الانسحاب ع الفريق يعني يقع طردنا من المسابقة و لكن التصويت كان رحيما بنا و كملنا المسابقة....

 

رياضيا، فريقنا ع الحيط بدون فكرة لعب او لياقة بدنية ..

لوجستيا، فما برشا تسيب نتج عنه اصابات بفيروس كورونا مع وجود شكوك حول دقة او صحة التحاليل بالنسبة لمنتخبنا ..

 

و لكن تحكيميا تحسب ضدنا هدف مسبوق بلمسة يد في مقابلة الربع نهائي و هنا ما عندنا ما نعملوا لآستيناف لا تعيقب لا تاس لا كاس لا والو ... 

 

لو كان جيت مكان وديع الجريئ نطلب اوديونس للتحكيم في قرار الكاف في مقابلة مالي .. إذا كان خسرنا ها الاوديونس ما يتغير شي و لكن اذاكان نربحوها فإن كاس افريقيا الكاميرون 2021+1 تعتبر لاغية و هذه اقل مكافأة نقدموها لسامويل ايتو و بول بيا 

بيناتنا مالي ما وراتش حاجة خارقة للعادة .. صحيح نحنا ناقصين و لكن هوما اتعب منا هذا من ناحية ..

من ناحية ثانية ستاد رادس يحتضن مقابلات ال3 فرق التونسية و هذا نراه مشكلة من الكاف كيف نشوفوا جودة الملاعب الي احتضنت كأس افريقيا : الطيب المهيري و الا بوعلي لحوار و الا حتى عبد العزيز الشتيوي(الي صارت فيه تحسينات)احسن من برشا ملاعب لفرق افريقية .. 

ريت روبورتاج على ستاد داكار ارينا.. الافتتاح صار و بش تلعب فيه سنغال ضد مصر ..

ماشاء الله الاتموسفير العام روعة .. ما نعرفش البيلوز شحوالها اما شوية اللقطات لي ريت تشي بملعب عالمي