معليش بناقش أي شخص يقول اللاعبين ما يلعبون و بالمنطق..
من قال اللاعبين مايلعبون؟ ..
اللي مختارينهم للمنتخب يلعبون بشكل دايم بأنديتهم..
ما كان العوق إنهم يلعبون أو مايلعبون..
ياما منتخبات تستدعي لاعبين احتياط بأنديتهم .. احتياط رسمي بعد..
أما هاللاعبين فنشوفهم بكل مباراة..
مشكلتنا من المدرب السابق .. لا تتوقع إن مانشيني له أثر طيب..
مدرب من جاء كهرب الدنيا من قبل بطولة آسيا..
تصريحاته كلها استنقاص من اللاعبين و الكورة السعودية..
أشغلنا بتكتيكه العقيم لين المنتخب ضيع مشيته و مشية الديك..
الأمور هذي هي كرة القدم.. هوية الفريق هي كرة القدم..
ولا تتوقع المدرب اللي بيجي عقب مطرسته بيغيّر الوضع بيوم و ليلة..
ثانياً و أهم نقطة بردي هذا..
هل الكسار مثلا ضروري يلعب أساسي مع فريقه؟..
أو الضروري إنك تاخذ حارس يلعب أساسي مع فريقه غير الكسار؟..
عندك ١٨ فريق و غيرهم بين دوري روشن و يلو..
مهب لازم آخذ المالكي مثلا سنتين و أقول ما يلعب أساسي و إلا تراه المشكلة باللاعب الأجنبي..
خذ غيره من اللي يلعبون أساسي و هو خله يدفي الدكة بفريقه و لا يشم فنيلة المنتخب ..
هذا باعتبار تشكيلتنا مايلعبون مع فرقهم..
بالتشكيلة المستدعاة كثير لاعبين أساسيين أو يلعبون بشكل مستمر..
ليه ما لعبتهم؟ .. تلعب بكنو مثلا و أنت تدري إنه احتياط و مستواه طايح..
على العموم المنتخب مافيه مواهب من قبل الأجانب..
سالم الدوسري هو المنتخب حاليا و أصيب..
مع احترامي لجميع اللاعبين و لجميع الناس اللي يلومونه على تضييع البلنتيات اللي بالأساس مايعرف لهن..
يبقى اسم يعطي المنتخب هيبة و يعطي ثقة للي معه و ثقة للي يشاهد المباراة إنه حتى بأسوأ مستوياته ممكن يسوي شيء..
لا تاخذ لي لاعبين احتياط و تقول ما عندي أساسيين..
الأجانب بالأندية بالغالب ٨ .. يعني بكل فريق ٣ سعوديين أساسيين..
📣
