دا انت طلعت كنت عاشق وولهان زي بقي .. هههههانا كمان في فترة الشباب كنت حريص علي اقتناء كل اعدادها .. وكان عندي كمية كبيرة منها
ولما سافرت الامارات كنت بجيب مجلة سوبر وشوية كنت اجيب الصقر .. وبردوا احتفظ بيهم
ام العيال بقي الله يسامحها .. نسيت او “تناست” كراتين المجلات اللي كنت بشتريها واحنا برة .. لما كنا بننقل من بلد لأخري
والمجلات اللي كنت سايبها في مصر أصابها الإهمال بعد وفاه الوالدة “الله يرحمها” هي اللي كانت حريصة علي حفظ ذكرياتي .. وللاسف ركنوا كراتين المجلات علي السطوح وتدمرت من الرطوبة والمطر
اتفق معاك جدا ان مستوي المجلة قل كتير واصبحت علي غير المأمول .. وخسرت جمهورها ومحبيها .. علشان كدة ما عجت حريص اني اقتنيها كمجلة ورقية .. وبحاول احصلها دايما PDF
وعلشان كدة جاتلي فكرة احياء ذكريات الماضي .. اني انزل صور الاغلفة كلها منسقة ومرتبة علي موقع كورابيديا .. لتكون استعراض لتاريخ طويل ممتد من 35 سنة واكتر .. الواحد بيشوف فيه ذكرياتة أسبوع بعد أسبوع
دعواتك يكمل هذا المشروع علي خير .. وان شاء الله حيكون شيء ممتاز ورائع جدا
كمان حنحاول نوفر الاعداد القديمة للناس اللي حابه تستعيد ذكرياتها .. بس حيكون إليكتروني بي دي اف
إقتباس لمشاركة: @FaLcOn CrEsT 12:29 - 2025/02/09
من يوم 2 يناير سنة 1990 .. وكنت حريص على شراء مجلة الأهرام الرياضي ..
والاحتفاظ بأعدادها كلها .. ولمدة 15 سنة متواصلة
كان فيها نجيب المستكاوي وإبراهيم حجازي ومحمد سيف ويسري البدري
وخالد توحيد ومحمود السعدني وعاصم حنفي وسعيد عبد الخالق
ثماني سنوات كنت في السعودية .. كنت العدد اللي ما ألاقيهوش
كان بيتبعت لي من مصر عن طريق البريد السربع الدولي
بداية من 2003 … كنت بأشتريها وأنا رايح المحل ..
وأنساها في درج المكتب ولا أقرأها أبداً .. لغاية فترة بطلت أشتريها
حتى جاء يوم قبل مونديال البرازيل 2014 م .. وقلت أجيب المجلة
كانت بتعمل أعداد تذكارية قبل البطولات دي …
لم أجد فيها كلمة واحدة عن كأس العالم ..
كنت شايفها تعويض لي عن مجلة اسمها الصقر .. قطرية
تصدرها وزارة الدفاع القطرية .. ورئيس تحريرها سعد الرميحي
المجلة “ الأهرام الرياضي ” فقدت كثير من متابعيها .. بسبب التعصب الذي أصبح
صفة ملازمة لمحرريها وكتابها .. ومعديها وانتشارهم في القنوات الفضائية
وعدم التطوير فيها وأصبحت مثل بهانة اللتاتة .. بتلت وتعجن في الكلام
اللي اتقال في البرامج