نهار ياصديقي..الحين سنوات و سنوات و أنتم مقتنعين قناعة تامة بإن اللي يديرون الكورة ماعندهم ذمة ولا مصداقية..
و كل همهم تدمير الأندية الثانية و دفدفة الهلال ..
و القناعة هذي مهب هالسنة ولا اللي قبلها.. سنوات طويلة..
متأصلة متجذرة و مقتنعين به قناعة تامة..
طبعا كل نادي يقول إن الكل ضده..
و كل الأندية متفقين إن الهلال عبارة عن شخص آدمي له رجلين و ايدين و عيون و خشم 😂..
و إن هالشخص شرير و ظالم و متلوّي..
طيب السؤال الحين وش عندكم تتابعون الدوري صدق؟ ههههه
و الله ثم و الله لو عندي قناعتكم ما والله أتابع كورة خير شر..
و لو افترضنا إنك غصب عليكم تتابعون ما تقدرون تبطلون..
وش بكم على اللاعبين و المدرب و الإداريين كل مباراة تهاجمونهم؟..
مالهم ذنب.. أصلا الدوري موجه لنادي معين..
و إذا مقتنعين إن الدوري مسيّر.. مهب بقوة الهلال ولا لاعبينه..
أجل وش بكم تتحلطمون إن الهلال يجيبون له أفضل المحليين و الأجانب؟..
يعني مقتنعين إن الهلال عنده أفضل اللاعبين و مدعوم بقوة..
و بنفس الوقت مقتنعين إن فرقكم ولاعبينكم أفضل تفوز عليه بس التحكيم يظلمكم..