الركراكي خواف ،،لا يستطيع ادراج اللاعبين الذين تالقوا مع انديتهم بشكل ملفت مع بداية الموسم ،،

على الاقل اعطائهم الفرصة للتأكد من مستواهم عن قرب ضمن المجموعة الوطنية

إقتباس لمشاركة: @الدكتور سنفور 20:41 - 2025/03/22

حكيم زياش على حسابه أنستغرام : "سوف يحتاجون إليك مجددًا، فقط تأكد من أنك لا تنسى كيف تلاعبوا بك..!!🤞🏽"

العقلية عندو سبحان الله شحال فيه ديال السينما من هاد المنشور زعما غادي تحتاجوني ولكن مغاديش نجي حيث راني غضبان حيث عاملتوني معاملة خايبة نفس الكاسيطة لي وقعات مع وحيد غادي توقع دبا مع الركراكي غادي يعيطلو بضغط جماهيري ومغاديش يبغي يجي حيث مقلق حيث هو الى معيطيلوش ماشي لنقص مستواه ولكن حيث هو أحسن لاعب فالعالم وحنا لي كنظلموه لاعب دبا كيتعرض للإنتقاد فالدوري القطري الضعيف وباقي حاسب راسو زياش ديال أجاكس 2019 يجب شطب هذا اللاعب بصفة نهائية لاعب بهاد العقلية الأنانية الى جبتيه عرف غادي يديرلك مشاكل كبار كون غي كان فعز مستواه نقولو معليش ولكن أنت مقادرش تفرض راسك حتى فالدوري القطري وداير فيها بطل وحاسب المنتخب واقف عليك

الخطأ يتحمله المدرب جاتو الفرصة من بعد الكان يغربل المنتخب ويبدا بلاعبين جداد باقيين صغار خصوصا بعد تألقهم فالألمبياد لاعبين باقيين جيعانين وتقدر تتحكم فيهم وتبني بيهم فريق خصوصا كجودة هما حسن من اللاعبين السابقين ولكن هو بقى شاد فيهم وباقي كيمشي يشوف زياش وسايس باقي باغي يعول على الحرس القديم اللاعبين القدام صافي راه ولاو حاسبين المنتخب ديالهم يديرو فيه مبغاو وميبغيوش لاعبين جدد يديولهم البلاصة شوف غي التقليقة ديال امرابط فاش معطاهش الرحيمي بيلانتي ونهار أوناحي وزياش والنصيري خرجو مقلقين تما كان خاصك تعيق وتجمع راسك وتعرف بلي بقاء دوك القدماء صحاب إنجاز قطر غادي يخلقلك مشكيل وحتى هاد الصغار فاش غيشوفو الكبار كيتقلقو ومكيجريوش فالتيران حتى هما غادي ينعسو هاد الفرصة لي جات للركراكي ضيعها أراك دبا للضغط باش يرجع زياش لي أصلا مغاديش يبغي يجي واخا تمشي تحزرو أعتقد وقت الركراكي صافي سالا مع المنتخب الباب دبا مفتوح للسكتيوي ولا عموتة يلعبو الكان المنتخب محتاج روح جديدة ومحتاج مدرب يجيب لاعبين يتحكم فيهم باش يتقاتلو معاه فالتيران الركراكي صافي خسر المجموعة مبقاش قادر يتحكم فيهم وولى كينتقدهم فالإعلام يعني الهضرة ديالو مبقاتش كتسمع وعاد زيد التشويش لي غبنوض حيث زياش مبقاش غادي يجي

هؤلاء اللاعبون يخلقون مشاكل في التجمعات، لا يهمهم المنتخب ولا البلاد، يهمهم فقط أنفسهم.

هؤلاء اللاعبون لا فائدة منهم، مجرد سوسة قد تفسد المجموعة.

زياش ماتصرطاتش ليه ٱنه دياز تعطاتو قيمة ٱكثر

الله أعلم، لكن لقجع يجب أن يطرد المدرب أولًا. لقد منح الفرصة، لكن نفس القصة تتكرر في كل بطولة

زياش عندو عيب كبير و كبير بزاف و هو أنه تيشوف راسو نجم صف أول و فوق باقي اللاعبين. ما تيقبلش الإنتقاد أو يجلس في الإحتياط أو يعطي شي زميل في الفرقة الفرصة يتألق (يخليه يضرب بياناتي أو ضربة خطأ). زياش عندو موهبة و لكن عقدة نقص و مركز على الفلوس أكثر من المسيرة الرياضية.

عندما يهمك المنتخب فقط ولا يهمك الأشخاص كتبقى تشوف الحقيقة كما هي مصلحة المنتخب فوق الجميع مكيبقى يهمك لا رئيس ولا مدرب ولا لاعبين لي قادر يعطي فاللحظة الراهنة هو لي كتشيد بيه ولي مقادرش يعطي كتقول أنه مقادرش يعطي بدون عواطف واخا يكون فواحد الوقت كان هاز المنتخب الوطني على ظهرو إلى بقينا بهاد العقلية ديال ندافعو على الأشخاص فقط لأننا نحبهم أو عطاو للمنتخب فواحد الوقت ماعمر المنتخب يزيد للقدام نوعية اللاعبين لي كيكونو مزاجيين وتغلب عليهم النزعة الفردانية كيكونو مراض فعقلهم كيشوفو راسهم نجوم وعندهم جنون العظمة طالع ميقبلش يجلس فالإحتياط وميقبلش النقد وحتى المدرب خاصو يتعامل معاه تعامل خاص وتعطيه الثقة وتلعبو رسمي ومتزعف عليه ماتوبخو واخا يغلط باش ميتقلقش حيث الى تقلق كيولي مشكل كبير فالمجموعة هاد العقلية هي لي كتكون فأطفال مابين سن 6 سنوات و12 هناك من ينضج وهناك للأسف كيبقى صغير فعقلو والى كان موهبة كبيرة بحال زياش وحمد الله وتعرابت كيكون فايت الزملاء ديالو تقنيا وبالتالي المدربين ديال الفئات السنية كيلعبوهم حيث كيكون مستواهم طالع المشكلة نهار كيكبرو أو كيمشيو للمنتخب وكتكون المنافسة كبيرة تما كيوليو مشكيل كبير حيث المنتخب ماشي بحال الفريق كيلعب 40 ماتش فالعام وكيلعب كل سيمانا أو 3 أيام المنتخب كيبغي الواجد فاللحظة ولي غيعطي الإضافة أي تعثر يقدر يخرج عليك وتخرج من المنافسة معندكش مجال للخطأ وأي لاعب مزاجي مغيقبلش الإحتياط غادي يخلقلك مشكيل فالمجموعة وبالتالي تقدر تخسر مباريات هادشي علاش كاين شي مدربين كيجريو على هاد النوعية من اللاعبين حيث عارفو بحال القنبلة الموقوتة فأي لحظة ينفاجر حنا للأسف فالمنتخب كنا سبب أننا كنضسرو هاد النوعية من اللاعبين تعرابت مشى سمح فالتربص سير زاوك فيه وردو حمد الله مشى خلى المجموعة على بعد أيام من الكان سير حزرو ويجيبو لكأس العالم واخا مستواه تحت الصفر زياش تقلق سير عندو حزرو باش يرجع وماشي مرة ماشي جوج وممكن توقع للمرة الثالثة حتى شي لاعبين كاينين دبا فالمنتخب المعاملة لي كنعاملوهم والطريقة باش جبناهم كتخليهم ممكن حتى هما يديروها شي نهار ويتقلقو مغاديش تجيني غريبة الى شي نهار دياز أو بنصغير تقلقو ومبقاوش باغيين يجيو حيث مبقاوش رسميين الى كان عندك شي واحد مزاجي بحال ميسي ولا كريستيانو فعز مستواهم ماشي مشكيل تصبر على هبالو وتبني عليه المنتخب ولكن لاعبينا منفوخين على الخاوي حتى واحد فيهم مقادر يفرض راسو فشي نادي كبير وفاش كيكون إحتياطي فهاد النادي كيدخل سوق راسو وكيعجبو الحال ولكن فاش كيجيو هنا كيحسو براسهم أكبر من المنتخب بسبب الطريقة لي كنعاملوهم بيها والتحزار والنفيخ والمنتخب علمنا عبر التاريخ أن المجموعة هي لي كتجيب الألقاب ف2004 تشكيلة مكان حتى واحد كيعرفها قدرت توصل للنهائي وف2017 تشكيلة عامرة بالحوفارة كانت قريبة توج بالكاس يعني المنتخب ماشي هو النادي خصوصا فإفريقيا الى كانت عندك مجموعة قوية متماسكة كيلعبو لعضياتهم ممكن يصنعو إنجاز أما الأسماء لي على الورق غير كنضسروهم ونكبروهم على المنتخب بسبب التطبيل والنفيخ الزايد ونمشيو نحزروهم فاش يتقلقو والنتيجة ها حنا كنشوفوها ديما داك النجم لي تعول عليه هو لي يزكلك بيلانتي حاسم

آه السبب الرئيسي في استبعاد زياش هي ديك التدوينة لي دار إتهام مباشر لحكومة بلاده أنها تساهم فالإبادة الجماعية ولكن من قبل راه كانو كيستدعيوه غي مجاملة واخا مستواه كان تحت الصفر هو لي دارها لراسو دبا كيتعاملو معاه بالعدل مستواك طاح يعني مغتبقاش تجي

1- الركراكي مدرب لا يتعلم من تجاربه و هو السبب في عدم تطور أداء المنتخب.

2- الركراكي يجامل كثيراً لاعبين على حساب لاعبين اخرين. و حتى في الصرامة واضح انه ماشي صارم مع التجاوزات ديال اللاعبين

3- واضح كثيراً أن الركراكي يستعمل طريقة الشحن النفسي أكثر من العمل التكتيكي في التداريب.

داك رونالدو لي كتقول خرج للإعلام هضر هداك هو الأمين العام ديال المزاجيين هداك يمكن فايت بالوتيلي وجوي بارتون وكانتونا الفرق لي كاين أنه كيخدم على راسو فالتداريب ونجح فالكاريير ديالو ولكن حتى هو ميقبلش الإحتياط وحتى هو واخا دار 40 عام باقي حاسب راسو نجم النجوم فالمانشستر المدرب جلسو حيث مبقاش قادر يجري ويدافع وحيث مرضاش بالإحتياط خرج بدوك التصريحات زعما أنا راني واعر غي مظلوم وصافي لو كان فعلا يحب الخير لناديه يمشي يهضر مع المسؤولين يصاوبو الحمامات ماشي يخرج للإعلام يفرش غي حيث مبقاتش بلاصتو رسمي فالريال الفرقة رابحة الأبطال والناس فرحانة وهو حيث مدار والو فالنهائي خرج بتصريح أنا حزين ولكن حيث لقى الرجال فالريال معطلوهش الفرقة رابحة لقب وأنت كتفكر غي فراسك هاك وراقيك سير الله يعاونك واخا أنت أحسن لاعب فتاريخ النادي هاد النوعية ديال اللاعبين مكيقدروش يعتارفو بالفشل وبلي المستوى ديالهم كينقص وبلي غيجي شي نهار ميبقاوش يلعبو ديما هما ضحية وديما الآخرين هما السبب نفس مايفعل خونا المغربي دبا عايش الدور والدراما ديال دارولي ودارولي سير أخويا اعتزل بعزك أو قبل تجلس فالإحتياط بحالك بحال عباد الله وسبحان الله هاد النوعية من اللاعبين لي كتغلب عليهم الأنانية كتلقى عندهم نفس الخصائص مكاين غي السطوريات والبكا والشكا واحد كاس إفريقيا بادية وهو كيضرب علينا فالعصير ومرة يعتازل مرة لا وواحد عايش دور العميق بطل الفيلم المظلوم أما واحد تعرابت قاليهم مكنتفاهمش مع الركراكي وهو معيطلوش أصلا داك بلهندة لي كنا حاكرينو نهار حيدوه مشى عطى التيساع للمنتخب هو وحاريث